ಹಾಗೆ ಸುಮ್ಮನೆ

ಪ್ರೀತಿಯ ಬಗ್ಗೆ ಪಾಠ ಮಾಡೋಕೆ ಬರಬೇಡಿ. ಅಮ್ಮನ ಕೈತುತ್ತು ತಿಂದು, ಅಪ್ಪನ ಹೆಗಲೇರಿ ಬೆಳೆದವಳು ನಾನು. ಆಕಾಶಕ್ಕೆ ಮೂರೇ ಗೇಣು ಸ್ವರ್ಗ ಸುಖ.

ಕಾಂಜಿಪಿಂಜಿ love story ಇಟ್ಕೊಂಡು ಜೀವ್ನ ಬರ್ಬಾದ್ ಆಯ್ತ್ ಅನ್ಬೇಡಿ!

ದೇವರು ಕೊಟ್ಟ ಜೀವನ, ಏನಾದ್ರೂ ಸಾಧಿಸಿ ಒಮ್ಮೆ ನೋಡಿ. ದೇವರಂತಹ ಅಪ್ಪ ಅಮ್ಮನ ಕಣ್ಣಂಚಲ್ಲಿ ನೀರು ಜಿನುಗುತ್ತಲ್ಲ, ಅದು ಪ್ರೀತಿ.

.

.

.

.

ಪ್ರೀತಿ ಅನ್ನೋದು,

ಮುಂಜಾನೆ ಮಸುಕಲ್ಲಿ ತಂಪರೆವ ಸೋನೆ ಇದ್ದ ಹಾಗೆ. ತುಂತುರು ಮಳೆ ಸುರಿವಾಗ ಗಾಳಿಯಲಿ ತೇಲಿ ಬರುವ ಘಮ ಇದ್ದಹಾಗೆ. ಮಳೆ ನಿಂತರು, ಎಲೆಗಳ ತುದಿಯಲ್ಲಿ ನಿಲ್ಲೋ ಮಳೆಹನಿ ಇದ್ದ ಹಾಗೆ. ಸಂಜೆ ಸೂರ್ಯ ಮುಳುಗೋ ಹೊತ್ತಲ್ಲಿ ಆಗಸ ಕೆಂಪಿದ್ದಹಾಗೆ. ಯಾವುದು ಯಾವುದನ್ನು ಅರಸಿ ಬಂದಿದ್ದಲ್ಲ. ಅದಾಗದೇ ಒಲಿದು-ನಲಿದಿದ್ದು.

ಪ್ರೀತಿ ಕೂಡ ಹಾಗೆ.

ಹಾಗೆ ಸುಮ್ಮನೆ

ಪಾತ್ರಗಳು ಹಲವು ವಿಚಾರ ಒಂದೇ.

ಒಬ್ಬ ಅದು ಹುಲಿ ಎಂದ

ಒಬ್ಬ ಅದು ಹಸು ಎಂದ, ಇಲಿ ಇರಬಹುದೇನೋ ಮತ್ತೊಬ್ಬನೆಂದ. ನೆರಳ ನೋಡಿ ಹಾವು ಹಿಡಿವ ಆಟ. ಅಜ್ಜಿ ಒಬ್ಬಳು ಅದು ಸತ್ತ ಪ್ರೇತ ಎಂದಳು -ಹಿರಿಯಜ್ಜಿ ಮಾತು ವೇದವಾಕ್ಯ. ದೂರದಲ್ಲಿ ಇದ್ದ ಆಕೃತಿ ಮೇಲೆದ್ದು ಇವರಿರುವ ಕಡೆಗೆ ಬಂತು. ಮನುಷ್ಯ ತನ್ನನ್ನು ತಾನೇ ಗುರುತಿಸಲಾಗಲಿಲ್ಲ.

#ಹುಚ್ಚುಸಾಲುಗಳು

ನೆನಪಿನ ಪುಟದಿಂದ

ಹೋಗಬೇಕೆನಿಸಿದೆ ಮತ್ತೆ,

ದುಮ್ಮಿಕ್ಕುವ ಜಲಪಾತದ ಅಡಿಗಳಲ್ಲಿ 

ನಿಸರ್ಗದ ಮಡಿಲಲ್ಲಿ, ಕಾಲ ಹರಣ ಮಾಡಿ, ಜೀವನದ ಪುಟಗಳ ತಿರುವಿ ಹಾಕಿ, ಮೆಲುಕು ಹಾಕಿ, ಸಾಧಿಸಿದ್ದು ಏನಿಲ್ಲವೆನಿಸಿ, ಹೊರಳಿ ಮರಳಿ ಬರಬೇಕಿದೆ ಮತ್ತದೇ ಜೀವನಕ್ಕೆ, ಹೊಸ ಹುಮ್ಮಸ್ಸಿನಲ್ಲಿ.

ಗೆಲುವಿನ ಶಿಖರಕ್ಕೆ ಏರಿದ್ದರು ಇಳಿಯಬೇಕಿದೆ ಮತ್ತೆ ಜೋಗದ ಆಳಕ್ಕೆ..!🙏

ಹಾಗೆ ಸುಮ್ಮನೆ...

ಕಾಯುವ ದೇವನೇ ಕೈಯನು ಮುಗಿವೆ,

ಕಾಡುವ ಕನಸನು ಪರಿಹರಿಸು

ಬೇಡಿದ ಕೊಡದಿರೆ ಚಿಂತೆಯೇ ಇಲ್ಲ, 

ಬೇಡದ ಚಿಂತೆಯ ಬಗೆಹರಿಸು

ಆಸೆಯು ಹೆಮ್ಮರ, ಆಕಾಂಕ್ಷೆ ಶಿಖರದ ಎತ್ತರ

ಪಾಮರ ಜನುಮ, ಹೆಜ್ಜೆ ಹೆಜ್ಜೆಗೂ ನೀ ನಡೆಸು.

ಆಳದ ಕಡಲಿದು, ಈಜಿದು ಬಾರದು

ಕರುಣೆಯ ತೋರಿಸಿ, ಈಜ್ವುದ ಕಲಿಸು

ಕಾಯುವ ದೇವನೇ, ಕೈಯನು ಮುಗಿವೇ

ಅಪಜಯ ಬಾರದೆ ನೀ ಹರಸು.

🙏

ಹಾಗೆ ಸುಮ್ಮನೆ ಬರೆದಿದ್ದು...