ಸಾವಿರ ಕನಸಿನ ಅಲೆಗಳ ಮೇಲೆ
ಡವ ಡವ ಹೃದಯದ ಬಡಿತಗಳು.
ಎಂದಿಗೆ ಗೆಲುವು, ಯಾವುದೀ ಸೋಲು
ಕನಸಿನ ಕೂಸು ಮಲಗಿರಲು?
ಛಲವದು ಕ್ಷಣಿಕ, ಕಡಲದು ಆಳ
ಬಡಿತದ ವೇಗ ಹೆಚ್ಚಿರಲು...
ಬಾಡಿದ ಮೊಗದಲಿ, ಆಸೆಯ ಚಿಲುಮೆ
ಎಂದಿಗೋ ದಡವನು ಸೇರುವುದು?
ಮುಳುಗಡೆ ಭೀತಿ ಕಾಡಿಹುದು.
#ಹುಚ್ಚುಸಾಲುಗಳು
04 ಸೆಪ್ಟೆಂಬರ್ 2020
____________________________________
ಎಲ್ಲಾ ಮರೆತಿದ್ದೇನೆ ಎನ್ನುವಾಗಲೆಲ್ಲ ಹಾದು ಹೋಗುವ ನೆನಪುಗಳು ಗಹಗಹಿಸಿ ನಕ್ಕ ಸದ್ದು ಇನ್ನೂ ಕಿವಿಯಲ್ಲಿಯೆ ಇದೆ. ಮರೆತಿದ್ದೇನೆ ಎಂದಾಗಲೆಲ್ಲ - ಈ ಸುಳ್ಳುಗಳು ಸತ್ಯವಾಗಿಬಿಡಲಿ ಅನಿಸಿದ್ದು ಮಾತ್ರ ಸತ್ಯ.
#ಹುಚ್ಚುಸಾಲುಗಳು
14 ಜೂನ್ 2020
____________________________________
ಇಂದು ಅದೇಕೋ ಗೊತ್ತಿಲ್ಲ.
ಮೋಡ ಹೆಪ್ಪುಗಟ್ಟಿರಲಿಲ್ಲಾ
ಆರ್ಭಟವಿರಲಿಲ್ಲ, ಬಿರುಗಾಳಿಯಿರಲಿಲ್ಲ.
ಮುನ್ಸೂಚನೆ ಎಂಬಂತೆ ಗುಡುಗಿಲ್ಲ ಸಿಡಿಲಿಲ್ಲ.
ಮಿಂಚೊಂದು ಸೀಳಿ ಕವಲುಗಳು ಒಡೆದು ಕಪ್ಪನೆಯ ಆಗಸದಿ ಬೆಳ್ಳಿಯ ಚಿತ್ತಾರ ಬಿಡಿಸಿರಲಿಲ್ಲ...ಮಣ್ಣಿನ ವಾಸನೆಯ ಹೊತ್ತು ತರುವ ಉಸ್ತುವಾರಿ ಗಾಳಿಗೆ ಇರಲಿಲ್ಲ.
ಮಳೆ ಸುರಿಯಿತು, ಸದ್ದಿಲ್ಲ.
#ಹುಚ್ಚುಸಾಲುಗಳು
21 ಮೇ 2020
_____________________________________
ಎಷ್ಟು ಮಳೆ ಸುರಿದರೆ ಏನು ಬಂತು...
ಪಾಪದ ಬುತ್ತಿ ತೊಯ್ಯುವುದೇನು??
ಎಷ್ಟು ಸೆಣಸಾಡಿದರೇನು ಬಂತು...
ತಪ್ಪುಗಳ ಮಧ್ಯೆ ಸರಿಗಳೆದ್ದು ಕಾಣ್ವುದೇನು??
#ಹುಚ್ಚುಸಾಲುಗಳು
06 ಏಪ್ರಿಲ್ 2020
_____________________________________
